१६ माघ २०७६, काठमाडौँ
बलिउड तथा हलिउड अभिनेत्री प्रियंका चोपडा केहीसमय अघि एक अवार्ड समारोहमा आफ्ना पति निकका साथ पुगेकी थिइन् । उक्त अवार्ड समारोहमा प्रियंकाले निकै खुल्ला परिहन लगाएर गएकी थिइन् ।
जसका कारण प्रियंकाका फ्यान असन्तुष्ट देखिए । प्रियंका बेला बेलामा कपडाका कारण विवादमा आइरहेकी हुन्छिन् । यसपटक पनि उनी यो कुराबाट अछुतो रहन सकिनन् ।
सामाजिक सञ्जालमा अहिले प्रियंकाको निकै ट्रोल भैरहेको छ । यस्तै प्रियंकाले कपडाका कारण जथाभावी कमेन्ट गर्ने र ट्रोल गर्नेलाई कडा जवाफ दिएकी छिन् ।
उनले इन्ष्टाग्राममा एक तस्बिर पोष्ट गर्दै लेखेकी छिन्, ‘म सोचिरहेकी थिएँ कि यो वर्षको सुरुवात कति रोमाञ्चक रह्यो र अहिले त केवल जनवरी महिना मात्रै बितेको छ । जोसँग तपाइँ प्रेम गर्नुहुन्छ उनीहरुलाई धेरै माया गर्नुस् । तपाइँ जस्तो जिन्दगी जिउन चाहनुहुन्छ त्यतै जिउनुस् । यो समय संसारमा सबै समस्याको साथमा आफ्नो र आफ्नो आसपास सबैको लागि दयालु रहनुहोस् ।’
प्रियंकाले अगाडि लेखेकी छिन् ‘मैले तपाइँहरुबाट जुन माया पाएँ त्यसको लागि आभारी छु । र, जब माया पाउँदिन त्यसको लागि पनि आभारी रहनेछु । आसपासका व्यक्तिहरुको लागि दयालु र विनम्र बन्नुहोस् । यो निकै जरुरी छ । यो जिन्दगी एक अनमोल उपहार हो ।’
