२१ माघ २०७६, काठमाडौँ
चैत्र २८ गतेबाट देशव्यापी रुपमा प्रदर्शनमा आउन लागेको चलचित्र चपली हाईट ३ को पहिलो गीत रिलिज भएको छ ।
डिपी खनालको शब्द र सुवास भुषालको संगीत रहेको चारानाको मसला बोलको गीतमा राज खुम्बु र अस्मिता अधिकारीको आवाज रहेको छ । लोकलयको डिस्को गीतमा चलचित्रका मुख्य कलाकार स्वस्तिमा खड्का, सुपुष्पा भट्ट, आमिर गौतमका साथै सर्वाधिक चर्चित डान्स क्रु द नेक्स्ट पनि फिचर्ड छन् ।
चलचित्र चपली हाईट ३ लाई निकेश खड्काले निर्देशन गरेका हुन् । चपली हाईट १ र २ लाई पनि निकेशले नै निर्देशन गरेका हुन् ।
