‘के घर के डेरा’ मा विपिन र दयासँग बर्षाको रोमान्स

२१ माघ २०७६, काठमाडौँ

जात्रै जात्रा पछि नायिका बर्षा राउतले कुनै चलचित्र साइन गरेकी थिइन् । उनले आफू राम्रो चलचित्रको खोजीमा रहेको बताउँदै आएकी थिइन् । जात्रै जात्रा रिलिजको करिब ८ महिनापछि बर्षाले नयाँ चलचित्र साइन गरेकी छिन् ।

बर्षाले केहीदिन अघिमात्र चलचित्र २ नम्बरी साइन गरेकी थिइन् भने भर्खरै मात्र उनले चलचित्र के घर के डेरा साइन गरेकी छिन् । चलचित्रमा उनीसँगै दयाहाङ राई, विपिन कार्की र रबिन्द्र झा को पनि मुख्य भूमिका रहने छ ।

चलचित्रलाई सुव्रत आचार्यले निर्देशन गर्ने भएका छन् । चलचित्रमा काठमाडौँमा डेरामा बस्ने व्यक्तिको जीवन चित्रण गरिने बताइएको छ । चलचित्रको कथा मन परेका कारण नै काम गर्न लागेको बर्षा, विपिन र दयाले बताएका छन् । चलचित्रको छायांकन चैत्रबाट सुरु हुने बताइएको छ ।