विराजको तारिफ गर्दै प्रदिप भने– ‘हाम्रो एक्सन स्टार’

२१ माघ २०७६, काठमाडौँ

अभिनेता प्रदिप खड्का यतिबेला चलचित्र प्रेमगीत ३ को छायांकनमा व्यस्त छन् । चैत्र २८ बाट प्रदर्शनमा आउन लागेको चलचित्र यो बर्षको प्रतिक्षित चलचित्र हो ।

प्रदिप बेला बेलामा सामाजिक सञ्जालमा आफूलाई राम्रो लागेको चलचित्रको ट्रेलर सेयर गरेर उक्त चलचित्रको प्रमोशन गरिरहेका हुन्छन् ।

भर्खरै उनले सामाजिक सञ्जालमा माघ २४ बाट देशव्यापी रुपमा प्रदर्शनमा आउन लागेको चलचित्र साङ्लो को ट्रेलर सेयर गरेका छन् । चलचित्र साङ्लो लाई अभिनेता विराज भट्टले निर्माण तथा निर्देशन गरेका हुन् ।

चलचित्रमा उनकै मुख्य भूमिका रहेको छ भने उनलाई निकिता चाण्डकले साथ दिएकी छिन् । प्रदिपले चलचित्रको ट्रेलर सेयर गर्दै विराजको तारिफ गरेका छन् ।

उनले विराजलाई एक्सन स्टार को उपाधी दिएका छन् । साथै सबै दर्शकलाई चलचित्र साङ्लो हेर्न पनि अनुरोध गरेका छन् ।