२१ माघ २०७६, काठमाडौँ
माघ २४ गतेबाट देशव्यापी रुपमा प्रदर्शनमा आउन लागेको चलचित्र साङ्लो बाट चलचित्र जगतमा भित्रिन लागेकी अभिनेत्री निकिता चाण्डक साङ्लो लाई लिएर निकै नै उत्साहित छिन् ।
साङ्लो मा निकिताले आफूले निकै मेहेनत गरेको बताइहेकी छिन् । यस्तै चलचित्रको प्रचारप्रसारको क्रममा निकिताले साङ्लो मा काम गर्नुअघि आफू डिप्रेशनमा गएको खुलासा गरेकी छिन् ।
वास्तवमा निकिताले साङ्लो बाट नभई रानीमहल बाट चलचित्रमा डेब्यु गर्ने भएकी थिइन् । तर रानीमहल को काम बिचमै रोकिएपछि निकितालाई चित्त दुखेको थियो ।
उक्त चलचित्रको लागि उनले धेरै नै मेहेनत गरेकी थिइन् । तर उनले आफ्नो काम दर्शकलाई देखाउन पाइनन् । जसका कारण उनले आफूलाई धेरै नै गाह्रो भए डिप्रेशनमा समेत गएको बताएकी छिन् ।
