०३ फागुन २०७६, काठमाडौं
मदन भण्डारी स्पोर्ट्स एकेडेमीको आयोजनामा भएको मदन भण्डारी अन्तर विश्वविद्यालय फुटसल प्रतियोगिताको उपाधि शंकरदेव क्याम्पसले हात पार्न सफल भएको छ ।
शुक्रबार भएको फाइनल खेलमा सिटिभिटीलाई ३–० गोल अन्तरले पराजित गर्दै शंकरदेव क्याम्पस प्रतियोगिताको उपाधि हात पारेको हो ।
उपाधिसँगै शंकरदेवले नगद रु १ प्राप्त बनेको छ भने उप-विजेता सिटिभिटीले नगद रु ५० हजार सहित ट्रफि, मेडल र प्रमाणपत्र प्राप्त गरेका छन् ।
मदन भण्डारी अन्तर विश्वविद्यालय फुटसल प्रतियोगिताको फाईनल खेलमा युवा तथा खेलकुद मन्त्री जगत बहादुर विश्वकर्माको समेत उपस्थित रहेको थियो ।
माघ २९ बाट सुरु भएको मदन भण्डारी अन्तर विश्वविद्यालय फुटसल प्रतियोगितामा ८ वटा विश्व विद्यालयका १६ वटा टिमको सहभागी रहेको थियो ।
