०४ फागुन २०७६, काठमाडौँ
भारतमा मात्र नभएर नेपालमा पनि सर्वाधिक रुचाइएको रियालिटी शो बिगबोस सिजन १३ को हिजो भव्य रुपमा ग्राण्ड फिनाले भएको थियो । फिनालेमा ६ प्रतिस्पर्धी पुग्न सफल भएका थिए ।
जसमा सिद्धार्थ शुक्ला, आसिम रियाज, शेहेनाज गिल, रश्मी देसाई, आरती सिंह र पारश छावडा पुग्न सफल भएका थिए । यस्तै अन्य ५ प्रतिस्पर्धीलाई पछि पार्दै सिद्धार्थ शुक्लाले बिगबोस सिजन १३ को उपाधी जितेका छन् ।
टप २ मा सिद्धार्थ र आसिम पुगेका थिए । दर्शकबाट प्राप्त लाइभ भोटिङको आधारमा सिद्धार्थले आसिमलाई पछि पार्दै बिगबोस को उपाधी जितेका हुन् ।
बिगबोस सिजन १३ सर्वाधिक सफल सिजन रह्यो । जसका कारण यो शो साढे ४ महिनासम्म चल्यो । विजेता भएका सिद्धार्थले बिगबोस को ट्रफीको साथै ५० लाख नगद पुरस्कार र एउटा कार पनि जितेका छन् ।
