०९ फागुन २०७६, काठमाडौँ
आज शिवरात्री भएकाले नेपाली चलचित्र क्षेत्रका कलाकारले यसलाई आफ्नै तरिकाले मनाइरहेका छन् ।
विशेष दिपकराज गिरी, दिपाश्री निरौला, किरण केसी, रेखा थापा, निता ढुङ्गाना लगायतका कलाकारले हरेक बर्ष शिवरात्री मनाउने गरेका छन् ।
सेलिब्रिटीहरूले पनि यसपालिको महाशिवरात्रि पनि आआफ्नै ढंगले मनाएका छन् । फुर्सदमा भएकाहरूले पशुपति पुगेर शिवको दर्शन गर्दै मनाउँदैछन् भने व्यस्त रहेकाहरूले साथीभाइको जमघट तथा सुटिङ स्थलबाटै शिवलाई सम्झीरहेका छन् ।
दिपकराज गिरीले शिवजीलाई सम्झदैँ भिडियो बनाएर सामाजिक सञ्जालमा अपलोड गरेका छन् । यस्तै निता ढुङ्गाना, जितु नेपाल लगायतका कलाकारले पनि शिवजीको जस्तो पहिरन लगाएको तस्बिर सेयर गर्दै शिवजीलाई सम्झिएका छन् ।
