१० फागुन २०७६, काठमाडौं
प्रधानमन्त्री केपी शर्मा ओलीको ‘भिजन टु एक्सन’ पुस्तक विमोचन भएको छ।
पुस्तक विमोचन शनिबार (आज) प्रधानमन्त्री सरकारी निवास बालुवाटारमा भएको हो।
राष्ट्रकवि माधवप्रसाद घिमिरे र शताब्दी पुरुष सत्यमोहन जोशीले पुस्तक विमोचन गरे।
आफ्नो ६९ औं जन्मदिनको अवसरमा ओलीले पुस्तक सार्वजनिक गरेका हुन्।
पुस्तकमा विकास र समृद्धिका विषयवस्तु समेटिएका छन्।
प्रधानमन्त्री ओलीले देश विकाससँगै समृद्ध नेपाल, सुखी नेपालीको सपना कार्यान्वयन गर्नेगरी पुस्तकमा मुख्य चार योजना समेटेका छन्।
कल्पना र कार्यान्वयन, मित्रता र कुटनीती, व्यापार र लगानी तथा काम र श्रम जस्ता विषय पनि पुस्तकमा समेटिएका छन्।
