प्रकाश र बर्षासँगै ‘परदेशी २’ मा केकी पनि

११ फागुन २०७६, काठमाडौँ

चलचित्र परदेशी २ को छायांकन सुरु भैसकेको छ । परदेशी २ ४ बर्षअघि प्रदर्शनमा आएको चलचित्र परदेशी को सिक्वेल भएको बताइएको छ ।

परदेशी मा अभिनेता प्रशान्त तामाङ मुख्य भूमिकामा थिए । परदेशी २ मा भने सर्वाधिक लोकप्रिय लोकगायक प्रकाश सपूत मुख्य भूमिकामा देखिने भएका छन् । चलचित्रमा प्रकाशको जोडी नायिका बर्षा सिवाकोटीसँग बाधिने भएको छ ।

चलचित्रमा नायिका केकी अधिकारीको पनि इन्ट्रि भएको छ । चलचित्रमा केकीको भूमिका निकै पावरफूल भएको चलचित्रका निर्देशक नारायण रायमाझीले बताएका छन् ।

उनले चलचित्रको कथाको माग अनुसार नै केकीलाई चलचित्रमा लिएको जानकारी दिएका छन् । नारायणले परदेशी २ अर्को बर्षको दशैँमा रिलिज हुने बताएका छन् ।