११ फागुन २०७६, काठमाडौँ
प्रदिप खड्का र कृष्टिना गुरुङको मुख्य भूमिका रहेको चलचित्र प्रेमगीत ३ को टाइटल गीत केहीदिन अघिमात्र रिलिज भएको छ । सार्वजनिक भएको लिरिकल गीतलाई दर्शकले औधी रुचाएका छन् ।
राजेश कुमार श्रेष्ठको शब्द र एलिश राईको संगीत रहेको हर युग होस प्रेमका गीतको बोलको गीतमा प्रताप दास र प्रविशा अधिकारीको आवाज रहेको छ ।
गीतमा प्रदिप र कृष्टिनाका केही झलकहरु देखाइएका छन् । अधिकांश दर्शकले गीतको शब्दले मन छोएको प्रतिक्रिया दिएका छन् । यसअघि रिलिज भएको हात्ती ढुङ्गामा बोलको गीतलाई पनि दर्शकले निकै रुचाएका थिए ।
