१२ फागुन २०७६, काठमाडौँ
नेपालको पहिलो रियालिटी शो कमेडी च्याम्पियन अहिले व्यापक चर्चामा रहेको छ । सुरुवात देखि नै यो शो लाई दर्शकले औधी रुचाइरहेका छन् ।
कमेडी च्याम्पियनको पहिलो सिजन अब केही हप्तामै सकिदैँछ । कमेडी च्याम्पियनको उत्कृष्ट ४ बाट विष्णुप्रसाद पौडल (मेक्सम) बाहिरिएका छन् ।
सुरुवात देखि नै उनको प्रस्तुतीलाई दर्शकले औधी रुचाएका थिए । जसको कारण नै उनी उत्कृष्ट ४ सम्म पर्न सफल भएका थिए । मेक्सम बाहिरिएसँगै कमेडी च्याम्पियन ले आफ्नो टप ३ फाइनलिस्ट पाइसकेको छ ।
फाइनलमा सुमन कोइराला, हिमेश पन्त र खड्ग बहादुर पुन मगर पुग्न सफल भएका छन् । हिमेश गत हप्ता पफमर अफ द विक भएर सिधैँ टप ३ मा पर्न सफल भएका थिए ।
हुन त मेक्सम बाहिरिएको एपिसोड आज मात्र प्रशारण हुन्छ । तर उनी बाहिरिएको खबर भने सार्वजनिक भैसकेको छ । जसका कारण मेक्सम का फ्यानहरुले दुख पनि पोखेका छन् ।
