‘ए मेरो हजुर ४’ पछि ‘पारश’ मा काम गर्दै अनमोल

१२ फागुन २०७६, काठमाडौँ

अभिनेता अनमोल केसी यतिबेला चलचित्र ए मेरो हजुर ४ को छायांकनमा व्यस्त छन् । ए मेरो हजुर ४ को छायांकन अब आउने शुक्रबारबाट सुरु हुने बताइएको छ । यस्तै अनमोलले ए मेरो हजुर ४ पछि आफ्नै होम प्रोडक्सनको चलचित्र एन्टि हिरो गर्ने कुरा थियो ।

तर स्क्रिप्टको काम नसिकिएको भन्दै भुवनले एन्टि हिरो को कामलाई अझै पछाडी धकेलेका छन् । यसैबिच अनमोललाई चलचत्रि पारश को स्टोरी सुनाइएको थियो । माधव वाग्लेको निर्माणमा बन्न लागेको चलचित्र पारश को कथा अनमोललाई मन परेको स्रोतले बताएको छ ।

अनमोलले यो चलचित्र साइन समेत गरिसकेको हल्ला बजारमा चलिरहेको छ । तर अनमोलले भने अझैपनि चलचित्रको विषयमा सल्लाह मात्र भैरहेको बताएका छन् । तर अनमोललाई चलचित्रको कथा मन परेको कारण उनी चलचित्र गर्ने मुडमा देखिएको स्रोतले बताएको छ ।