१२ फागुन २०७६, काठमाडौँ
लामो समयसम्म दर्शकलाई मनोरञ्जन दिइरहेको टेलिश्रृङ्खला हिजो आजका कुरा को नाम सापटी लिएर कलाकार सन्तोष पन्तले हिजो आजका कुरा चलचित्र नै निर्माण गरिदिए ।
भर्खरै मात्र चलचित्र हिजो आजका कुरा को पहिलो गीत रिलिज भएको छ ।
आनन्द अधिकारीको शब्द र दिपक शर्माको संगीत रहेको माया जधौँ बोलको गीतमा रामकृष्ण ढकाल र मेलिना राईको आवाज रहेको छ । निकै रमाइलो गीतमा धेरै कलाकारलाई देख्न सकिन्छ ।
गीतलाई बलिउडको ओम शान्ति ओम चलचित्रको शीर्ष गीतको शैलीमा प्रस्तुत गरिएको छ ।
गीतको भिडियोमा फिल्मका कलाकारहरु सन्तोष पन्त, रमा थपलिया, रीमा विश्वकर्मा, केकी अधिकारी, ऋचा शर्मासँगै दीपाश्री निरौला, केदार घिमिरे, जितु नेपाल, नम्रता श्रेष्ठ, शिवहरी पौडेल, बसुन्धरा भुषाल, भुवन चन्द, दिनेश डिसी, गौरी मल्ल, मदनकृष्ण श्रेष्ठ, मिथिला शर्मा, नविन के। भट्टराई, नितेश जंग कुँवर, नीर शाहलगायत फिचर्ड छन् । बिहेको माहोलमा गीत खिचिएको छ ।
