‘कमेडी च्याम्पियन’ को फिनालेमा सुमन, खड्ग र हिमेश, तपाईको भोट कसलाई ?

१३ फागुन २०७६, काठमाडौँ

नेपालकै पहिलो कमेडी रियालिटी शो कमेडी च्याम्पियन को ग्राण्डे फिनाले चैत्र १ गते हुने भएको छ ।

फिनालेमा ३ सुमन कोइराला, खड्गबहादुर पुन मगर र हिमेश पन्त पुग्न सफल भएका छन् । कमेडी च्याम्पियन दर्शकले सर्वाधिक रुचाएको रियालिटी शो हो । कमेडी च्याम्पियन को विजेताले २५ लाख नगद पुरस्कार र एउटा कार पाउनेछ ।

फिनालेमा पर्न सफल खड्गबहादुर र सुमन भने वाइल्ड कार्ड मार्फत शो मा पुनः भित्रिएका थिए । दर्शकको अत्याधिक भोट पाएकै कारण उनीहरु उत्कृष्ट ३ मा पर्न सफल भएका हुन् ।

अब तपाईले आफूलाई मनपर्ने प्रतियोगीलाई अत्याधिक भोट गरेर कमेडी च्याम्पियन को विजेता बनाउने पालो आएको छ । भोट गर्नको लागि नेपाल भित्रका दर्शकले इ सेवाको एप डाउनलोड गर्नुपर्नेछ भने देश बाहिरका दर्शकले कमेडी च्याम्पियन को एप डाउनलोड गरेर प्रतिस्पर्धीलाई भोट गर्न सक्नेछन् ।