१४ फागुन २०७६, काठमाडौँ
नायिका प्रियंका कार्की र आयुष्मान देशराज जोशी भोली वैवाहिक बन्धनमा बाधिदैँछन् । यस्तै अहिले आयुष्मान र प्रियंकालाई विवाहको रौनक निकै लागेको छ । राजधानीको एक होटलमा उनीहरु विवाहको विभिन्न समारोहहरु मनाउँदै छन् ।
हिजोमात्र आयुष्मान र प्रियंकाको मेहेन्दी र संगीतको समारोह सम्पन्न भयो । प्रियंका र आयुष्मानले आफ्नो मेहेन्दीको रसम निकै रमाइलोसँग मनाए । अहिले सामाजिक सञ्जालमा प्रियंकाको मेहेन्दीको तस्बिरहरु निकै भाइरल भैरहेका छन् ।
प्रियंकाले हातमा आयुष्मानको नाम लेखिन् भने आयुष्मानले पनि आफ्नो हातमा प्रियंकाको नाम लेखे । यी दुईले १ बर्ष अगाडी नै इन्गेजमेन्ट गरिसकेका थिए । प्रियंका र आयुष्मानले शुक्रबार राजधानीमा विवाहको रिसेप्सन पार्टी दिने जानकारी दिएका छन् ।
