भुवनको खुलासा : ‘एन्टि हिरो बन्छ तर ‘पारस’ मा जसिता हुन्नन्’

१४ फागुन २०७६, काठमाडौँ

अनमोल केसीले अब ए मेरो हजुर ४ पछि एन्टि हिरो मा नभई पारस मा काम गर्ने भएका छन् । माधव वाग्लेको निर्माणमा बन्न लागेको चलचित्र पारस को कथा भुवन र अनमोल दुवैलाई निकै मन परेको छ ।

त्यसैकारणले एन्टि हिरो भन्दा पहिले पारस बन्ने भएको हो । एन्टि हिरो मा अनमोलले जसितासँग रोमान्स गर्ने भएका थिए । तर एन्टि हिरो भन्दा अगाडी पारस बन्ने भएकाले पारस मा जसिता नै अनमोलको जोडीको रुपमा देखिने चर्चा भएको थियो ।

तर भुवनले यो कुरालाई अस्वीकार गरेका छन् । उनले एन्टि हिरो को स्क्रिप्टको काम नसिकिएकाले पहिले पारस निर्माण गर्न लागेको बताए । उनले यस चलचित्रमा जसिता नहुने बताएका छन् । उनले केहीदिनमै नायिकाको टुङ्गो लाग्ने जानकारी दिएका छन् । सम्भवत यो चलचित्रमा नयाँ नायिका हुनेछिन् ।

भुवनले चलचित्र पारस मा अनमोलको लुक्समा केही परिवर्तन हुने बताएका छन् । यो चलचित्रको कथा निकै बलियो भएकाले चलचित्रलाई उत्कृष्ट बनाउन सक्दो मेहेनत गर्ने भुवनले बताएका छन् ।