१४ फागुन २०७६, काठमाडौं
भारतको उत्तर–पूर्वी दिल्लीमा नागरिकता संशोधन कानून (सीएए)विरुद्ध चर्किएको आन्दोलनमा ज्यान गुमाउनेको संख्या २२ पुगेको छ।
आन्दोलनमा सीएएको पक्षमा रहेका सत्ताधारी भारतीय जनता पार्टी समर्थक र सीएएको विरोधमा रहेका आन्दोनकारीबीच भड्किएको हिंसामा कम्तीमा २ सय ५० जना घाइते भएको भारतीय सञ्चारमाध्यमहरुले जनाएका छन्।
यसबीच भारतीय प्रधानमन्त्री नरेन्द्र मोदीले दिल्लीमा घटनाको तीन दिनपछि बल्ल मुख खोलेका छन्। प्रधानमन्त्री मोदीले मानिसहरुसँग शान्ति र भाइचाराको लागि अपिल गरेका छन्।
यस्तै दिल्लीका मुख्यमन्त्री अरविन्द केजरीवालले हिंसा प्रभावित क्षेत्रमा सेना परिचालन गर्नुपर्ने बताएका छन्।
