निखिल उप्रेती भन्छन्, ‘हामीमा वास्तविक कुरालाई पनि फिल्ममा अवास्तविक बनाउन सक्ने खुबी छ’

१५ फागुन २०७६, काठमाडौँ

निखिल उप्रेती कुनै समयका निकै चर्चित नायक हुन् । तर पछिल्लो समयमा उनी चलचित्रमा त्यति सक्रिय छैनन् । उनले खेलेका केही चलचित्र पनि त्यति सफल भएनन् ।

उनी मिडियामा पनि त्यति आउँदैनन् । तर केहीसमय अघि उनले एक अन्तवार्ता दिएका थिए । जहाँ उनले तत्काल चलचित्रमा आउने योजना नभएको बताएका छन् । साथै उनले कलाकार बन्न सजिलो नभएको पनि बताएका छन् ।

उनले वास्तविक कुरालाई पनि पर्दामा अवास्तविक रुपमा देखाउन सक्ने क्षमता कलाकारमा भएकाले यो राम्रो कला भएको बताए । त्यसका साथै उनले भने, ‘विदेशीले कल्पना गरेको कुरालाई पनि फिल्ममा वास्तविक जस्तो बनाइदिन्छन्, हामी वास्तविकतालाई पनि हेर्दा होइन कि भन्ने बनाइदिन्छौं, यो पनि एउटा कला हो ।’