१६ फागुन २०७६, काठमाडौँ
बलिउडका चर्चित अभिनेता टाइगर श्राफ यतिबेला चलचित्र बागी ३ को प्रचारमा व्यस्त छन् । चलचित्र बागी ३ फागुन २३ बाट देशव्यापी रुपमा प्रदर्शनमा आउँदै छ ।
यस्तै बागी ३ को रिलिज लगत्तै टाइगर चलचित्र हिरोपन्ती को सिरिजमा व्यस्त हुने भएका छन् । टाइगर हिरोपन्ती बाट नै बलिउडमा भित्रिएका थिए । यस चलचित्रमा दर्शकले उनको कामको निकै तारिफ गरेका थिए ।
हिरोपन्ती २ को फस्टलुक समेत रिलिज भैसकेको छ । यो चलचित्रलाई साजिद नाडियाडवालाले निर्माण गर्दैछन् । चलचित्रमा अहमद खानको निर्देशन रहनेछ । चलचित्रको प्रदर्शन मिति सन् २०२१ जुलाई १६ लाई तोकिएको छ ।
