१७ फागुन २०७६, काठमाडौँ
नायिका प्रियंका कार्की र आयुष्मान देशराज जोशीले हिजो धुमधामसँग विवाह गरे । यस्तै उनीहरुले हिजो नै राजधानीको एक होटलमा रिसेप्सन पार्टीको आयोजना गरेका थिए ।
उनीहरुको रिसेप्सन पार्टीमा कलाकारको बाक्लो उपस्थिति थियो । प्रियंकाले रिसेप्सनमा पिंक लेहेगां लगाएकी थिइन् यस्तै आयुष्मान सेरवानीमा सजिएका थिए ।
उनीहरुको पार्टीमा चलचित्रकर्मी, उनीहरुका आफन्त, साथीभाई र परिवारको उपस्थिती बाक्लो थियो । चलचित्र क्षेत्रबाट विशेषगरि, नायिकाहरुको उपस्थिती बाक्लो देखियो ।
नायिका कार्की र नायक देशराजको बिहे पार्टीमा नायिकाहरु स्वस्तिमा खड्का, वर्षा राउत, ऋचा शर्मा, केकी अधिकारी, रेखा थापा, वर्षा सिवाकोटी, नम्रता श्रेष्ठ, करिश्मा मानन्धर, स्वेता खड्का, संचिता लुइटेल लगायत उपस्थित थिए ।
यस्तै कलाकार संजोग कोइराला, हाँस्य कलाकार सन्दिप क्षेत्री, हाँस्य कलाकार जोडी सिताराम कट्टेल र कुञ्जना घिमिरे, निर्देशक शिवहरि पौडेल, मोडल रीमा विश्वकर्मा पनि पार्टीमा पुगेका थिए ।
