‘म यस्तो गीत गाउँछु २’ को प्रमोशनको लागि सुर्खेत पुगे पल र पूजा

१८ फागुन २०७६, काठमाडौँ

फागुन ३० गतेबाट देशव्यापी रुपमा प्रदर्शनमा आउन लागेको चलचित्र म यस्तो गीत गाउँछु २ को प्रमोशनका लागि यतिबेला चलचित्रका मुख्य कलाकार पल शाह र पूजा शर्मा सुर्खेत पुगेका छन् ।

केहीसमय अघि उनीहरु चलचित्रको प्रमोशनका लागि काठमाडौँको एक कलेजमा पुगेका थिए । सुर्खेतको एक महोत्सवमा पुगेका पल र पूजाले निकै दर्शकमाझ चलचित्रको गीतमा नृत्य गरे ।

यस्तै सुर्खेतका दर्शकलाई चलचित्र म यस्तो गीत गाउँछु २ हेर्न अनुरोध पनि गरे । सुर्खेतमा पल र पूजाको फ्यान फलोइङ लोभलाग्दो देखिएको थियो । चलचित्र म यस्तो गीत गाउँछु २ यो बर्षको प्रतिक्षित चलचित्रमध्येको एक हो । चलचित्रले दर्शकको राम्रो साथ पाउने अपेक्षा गरिएको छ ।