‘एक भिलेन २’ मा जोन र आदित्यसँग रोमान्स गर्दै दिशा

१९ फागुन २०७६, काठमाडौँ

दिशा पटानीको हातमा पछिल्लो समयमा राम्रो चलचित्र परिरहेका छन् । उनले एकपछि अर्को चलचित्रमा आफूलाई अव्वल साबित गरिरहेकी छिन् । पछिल्लो समयमा उनी अभिनीत मलंग रिलिज भएको थियो । जहाँ उनको जोडी आदित्य रोय कपुरसँग बाधिएको थियो ।

अहिले फेरि दिशा एउटा ठूलो ब्यानरको चलचित्रमा अनुबन्धित भएकी छिन् । सन् २०१४ मा प्रदर्शनमा आएको सुपरहिट चलचित्र ए भिलेन को सिरिजमा दिशा देखिने भएकी हुन् ।

एक भिलेन २ मा दिशाको जोडीको रुपमा जोन अब्राहम देखिने भएका छन् । यस्तै चलचित्रमा आदित्य रोय कपुरको पनि मुख्य भूमिका रहने छ । मोहित सुरीको निर्देशनमा बन्ने चलचित्रमा दिशाको दमदार एक्सन देख्न सकिने निर्देशके बताएका छन् ।

चलचित्र एक भिलेन २ २०२१ सालको जुनमा प्रदर्शनमा आउने बताइएको छ ।