१९ फागुन २०७६, काठमाडौँ
दिपक दिपाले छक्का पञ्जा ४ बनाउने घोषणा गरिसकेका छन् । छक्का पञ्जा निकै हिट भएको चलचित्र हो । यस्तै छक्का पञ्जा को सिरिज छक्का पञ्जा २, ३ लाई पनि दर्शकले औधी रुचाएका थिए ।
दर्शकको अथाह माया पाएकै कारण निर्माण टिमले छक्का पञ्जा ४ पनि बनाउने घोषणा गरेको हो । छक्का पञ्जा लाई दिपाश्री निरौलाले निर्देशन गर्दै आएकी छिन् । छक्का पञ्जा ४ लाई पनि उनले नै निर्देशन गर्ने बुझिएको छ ।
छक्का पञ्जा का कलाकार केदार घिमिरे, जितु नेपाल, दिपकराज गिरी छक्का पञ्जा ४ पनि दोहोरिदैँछन् । नायिका भने अहिलेसम्म फाइनल गरिएको छैन । चलचित्रको छायांकन बैशाखबाट सुरु गरिने बताइएको छ ।
छक्का पञ्जा ३ जहाँ सकिएको थियो, छक्का पञ्जा ४ त्यहिँबाट सुरु गर्ने स्रोतले बताएको छ । तर यसबारे दिपक दिपाले भने केही जानकारी दिएका छैनन् । चलचित्र छक्का पञ्जा ४ २०७७ सालको दशैँको फुलपातीमा रिलिज हुने बताइएको छ ।
