२२ फागुन २०७६, काठमाडौँ
सलमान खान बलिउडका निकै चर्चित र महंगा अभिनेता हुन् । उनी बलिउडका धनी अभिनेतामध्ये पर्छन् । उनलाई पैसाको कत्तिपनि कमी छैन । आजभोली उनी चलचित्रको मुनाफाको प्रतिशत हेरेर आफ्नो पारिश्रमिक लिने गर्छन् ।
चलचित्रमा मात्र नभएर विज्ञापनमा पनि सलमानको रेट निकै महंगो छ । उनले एउटा विज्ञापन खेल्दा दिनको हिसाबले पैसा लिने गरेका छन् । उनी एक दिनको सात करोड लिन्छन् ।
भर्खरै मात्र उनले एउटा मोबाइलको विज्ञापनमा काम गरेका थिए । उक्त विज्ञापन खिच्न ५ दिन लागेको बताइएको छ । उनले उक्त विज्ञापनको लागि १ दिनको सात करोड लिएका छन् ।
सलमानको फ्यान फलोइङ निकै लोभलाग्दो रहेको छ । जसका कारण उनलाई राखेर विज्ञापन बनाउँदा विज्ञापनले राम्रो कमाइ गर्ने मेकर्सहरुको सोच रहेको हुन्छ । जसको कारण उनीहरुले सलमानलाई महंगो पारिश्रमिक दिएर काम गराउँछन् ।
