‘धेरै चलचित्रहरु पैसा नलिई गरेकी छु’ : रेखा थापा

२२ फागुन २०७६, काठमाडौँ

रेखा थापा कुनै समयकी नम्बर वान नायिका थिइन् । उनी चर्चित अभिनेताहरुलाई नै थ्रेट हुन्थिन् । रेखाको चलचित्रले हलमा राम्रो व्यापार पनि गर्थे । उनले धेरै नै  हिट चलचित्रमा काम गरिसकेकी छिन् ।

रेखा नेपाली चलचित्रमा भित्रिएको लगभग २ दशक हुन लागिसकेका छ । २ दशकको अन्तरालमा नेपाली चलचित्र क्षेत्रमा उनले दिएको योगदान तारिफयोग्य छ । अहिले भने रेखा चलचित्रमा त्यति सक्रिय छैनन् । अझ भनुम पछिल्लो समयमा उनले खेलेका केही चलचित्रले राम्रो कमाइ गरेका पनि छैनन् ।

जसको कारण रेखा अहिले राम्रो चलचित्रको खोजीमा छिन् । उनी बैशाखबाट नयाँ चलचित्रको छायांकनमा व्यस्त हुनेछिन् । चलचित्रमा उनीसँगै दयाहाङ राई र सौगात मल्लको पनि मुख्य भूमिका रहने बताइएको छ ।

यस्तै भर्खरै रेखा र सविन श्रेष्ठको मुख्य भूमिका रहेको चलचित्र हिरो रिटन्र्स को अफिसियल ट्रेलर पनि रिलिज भएको छ । ट्रेलरमा रेखा र सविन दुवै एक्सन अवतारमा देखिएका छन् ।

यस्तै ट्रेलर रिलिज कार्यक्रममा रेखाले नेपाली फिल्म नचलिरहेको प्रशंग झिक्दै सञ्चारकर्मीलाई कहिले काहिँ निःशुल्क फिल्मको प्रचार गर्न आग्रह गरिन् । उनको यही भनाईमा टेकेर पत्रकारले प्रश्न गरे( ‘तपाईंले चाहिँ कति फिल्म निःशुल्क गर्नुभयो रु’ उनले जवाफ फर्काउन समय लगाइनन् । ‘मैले थुप्रै फिल्म पैसा नलिइ गरेको छु । ‘हिरो रिटर्न्स’ मा पनि नलिएको जस्तै हो,’ रेखाले मुस्कुराउँदै भनिन् ।