२२ फागुन २०७६, काठमाडौँ
मिस वर्ल्ड २०१९ की विजेता टोनी एन सिंह नेपाल आएकी छिन् । उनी आज बिहान नेपाल आइपुगेकी हुन् ।
गत जनवरीमा मिस नेपाल आयोजक हिडेन ट्रेजरले जुलिया मोर्ले र मिस वर्ल्ड विजेतालाई उसको २५ औं वार्षिकोत्सवमा निमन्त्रणा गरेको थियो । सोही निमन्त्रणा मान्न उनीहरु नेपाल आएका हुन् ।
टोनी एन सिंह पहिलो पटक नेपाल आएकी हुन् । उनले नेपाल घुम्न उत्साहित रहेको बताइन् । टोनीले मकवानपुर, सिन्धुपाल्चोक लगायतका जिल्ला भम्रण गर्ने बताइएको छ ।
भ्रमणमा आएको मिस वर्ल्ड अर्गनाइजेसनको टोली सात मार्चमा फर्किने कार्यक्रम छ ।
