दर्शकले असाध्यै रुचाए ‘प्रेमगीत ३’ को टिजर, दिए यस्तो प्रतिक्रिया

२२ फागुन २०७६, काठमाडौँ

प्रेमगीत ३ यो बर्षको सर्वाधिक प्रतिक्षित चलचित्र हो । नयाँ बर्षको अवसरमा चैत्र २८ बाट देशव्यापी रुपमा प्रदर्शनमा आउन लागेको चलचित्रको २ गीत र टिजर रिलिज भैसकेका छन् ।

गीतले दर्शकको मन जितिरहदाँ केहीदिन अघि रिलिज भएको टिजरलाई पनि दर्शकले औधी रुचाएका छन् । ट्रेलरमा अभिनेता प्रदिप खड्का योद्धा अवतारमा देखिएका छन् ।

सन्तोष सेनको निर्माण रहेको चलचित्रलाई सन्तोष सेन र छेतेन गुरुङले संयुक्त रुपमा निर्देशन गरेका हुन् । चलचित्रमा प्रदिप खड्का, नव नायिका कृष्टिना गुरुङ, नव नायक मनिष लिम्बु, शिव श्रेष्ठ, सुनिल थापा, अनुभव रेग्मी, योगिशा खत्री, माओत्से गुरुङ, सन्तोष सेन, लक्ष्मी वर्देवा, पुष्कर शर्मा लगायतका कलाकारको मुख्य भूमिका रहेको छ ।

चलचित्रको टिजर हेरेपछि दर्शकले नेपालको इतिहासमै पहिलो पटक यस्तो चलचित्र बनेको बताइरहेका छन् । साथै दर्शकले प्रेमगीत ३ हेर्न निकै उत्साहित रहेको पनि बताइरहेका छन् । सार्वजनिक टिजरमा नायिका कृष्टिना गुरुङलाई भने स्थान दिइएको छैन ।