भुटानी नायिका उगेनले भनिन्, ‘म राजेश हमालको ठूलो फ्यान हुँ’

२३ फागुन २०७८६, काठमाडौँ

भुटानकी चर्चित नायिका उगेन अब नेपाली चलचित्रमा पनि देखिने भएकी छिन् । उनले चलचित्र २ नम्बरी बाट नेपाली चलचित्र क्षेत्रमा डेब्यु गर्न लागेकी हुन् । चलचित्रमा उनी दयाहाङ राईको जोडीको रुपमा देखिनेछिन् ।

उगेनले ८ वटा भुटानी चलचित्रमा काम गरिसकेकी छिन् । त्यतिमात्र नभएर उनी भुटानका राजाबाट सम्मानित समेत भएकी छिन् । भुटानमा उगेनको स्टारडम निकै राम्रो छ ।

उगेनले नेपाली चलचित्र आफूले सानै हुदाँ हेरेको बताइन् । उनले सानोमा राजेश हमालको चलचित्र हेरेको र राजेश हमाल आफूलाई निकै मनपर्ने बताइन् । उगेनले आफू राजेशको ठूलो फ्यान भएको पनि बताइन् ।

उनले दयाहाङको पनि प्रशंसा गर्न भ्याइन् । उगेनले आफूले दयाको कबड्डी चलचित्र हेरेको र आफूलाई चलचित्र राम्रो लागेको पनि बताइन् । साथै उगेनले दयाहाङसँग काम गर्न निकै उत्साहित रहेको पनि बताइन् । चलचित्र २ नम्बरी मा पल शाह र बर्षा राउतको पनि मुख्य भूमिका रहने बताइएको छ ।