२३ फागुन २०७६, काठमाडौँ
आज शुक्रबारबाट देशव्यापी रुपमा चलचित्र बागी ३ रिलिज भएको छ । हलमा अरु कुनैपनि नेपाली सिनेमा रिलिज नभएका कारण यसले राम्रो फाइदा उठाएको छ । क्यूएफएक्समा मात्र बागी ३ ले ५४ शोज पाएको छ ।
टागर श्राफ र श्रद्धा कपुरको मुख्य भूमिका रहेको चलचित्र बागी ३ यो बर्षको प्रतिक्षित चलचित्रमध्येको एक हो । यसअघि श्रद्धा र टाइगरले बागी मा एकसाथ काम गरेका थिए ।
बिहानको शो मा यो चलचित्रले दर्शकको राम्रो साथ पाएको छ । यस्तै बेलुका र दिउँसोको शो को लागि पनि धमाधम टिकट बुकिङ भैरहेका छन् । चलचित्र हेर्ने अधिकांश दर्शकले बागी ३ राम्रो चलचित्र भएको प्रतिक्रिया दिइरहेका छन् ।
