‘कोरोना भाइरस’ का कारण फागुन ३० मा प्रदर्शनमा नआउने भयो ‘म यस्तो गीत गाउँछु २’

२३ फागुन २०७६, काठमाडौँ

फागुन ३० गतेबाट देशव्यापी रुपमा प्रदर्शनमा आउने भनिएको चलचित्र म यस्तो गीत गाउँछु २ को प्रदर्शन स्थगित गरिएको छ । बढ्दै गएको कोरोना भाइरस को त्रासको कारण म यस्तो गीत गाउँछु २ को प्रदर्शन रोकिएको हो ।

पल शाह र पूजा शर्माको मुख्य भूमिका रहेको चलचित्र म यस्तो गीत गाउँछु २ अब केहीसमय पछिमात्र रिलिज हुने भएको छ ।

शुक्रबार एक सूचना जारी गर्दै सरकारको अर्को सूचना नआए सम्मका लागि फिल्म प्रदर्शन स्थगित गरिएको फिल्म युनिटले जनाएको छ।

विश्वभर कोरोना भाइरस को त्रास बढेसँगै नेपालमा पनि यसको त्रास फैलिएको छ। यसैलाई मध्यनजर गर्दै आउँदो ३० गतेबाट प्रदर्शन गरिने भनिएको उक्त फिल्मको प्रदर्शन रोकिएको हो।