२५ फागुन २०७६, काठमाडौँ
बलिउडकी सर्वाधिक चर्चित नायिका नेहा कक्कडले सामाजिक सञ्जालमा एक तस्बिर सेयर गरेकी छिन् । जुन तस्बिरले अहिले निकै नै चर्चा बटुलिरहेको छ । तस्बिरमा नेहाले १२ बर्ष अघिको आफ्नो घर र अहिलेको आफ्नो घर देखाएकी छिन् ।
सबैलाई थाहा नै होला नेहाले यो क्षेत्रमा यत्तिको स्थान बनाउन निकै नै मेहेनत गरेकी छिन् । १२ बषअघि उनको परिवार अर्काको घरमा भाडा तिरेर बस्थे । तर आज उनीहरुको सानदार बगंला छ । उनलाई पैसाको त कुनै कमी छैन त्यसका साथै सबैभन्दा महत्वपूर्ण कुरा भनेको उनले दर्शकको दिलमा राज गर्न सफल भएकी छिन् ।
आज नेहा कक्कर भनेपछि मानिसहरु मरिहत्ते गर्छन् । तर यस स्थानसम्म आउन नेहालाई उनको परिवारको निकै राम्रो साथ मिलेको छ । उनकी दिदी सोनु कक्कर जो बलिउडकी स्थापित गायिका हुन् र उनका दाई टोनी कक्कर उनी पनि सर्वाधिक लोकप्रिय गायक हुन्, यी दुईले नेहालाई हमेशा भरपुर साथ दिदैँ आएका छन् ।
नेहाले आमा र आफ्नो घरको तस्बिर सेयर गर्दै भावुक स्टाटस समेत लेखेकी छिन् । जसमा अधिकांश दर्शकले निकै राम्रो प्रतिक्रिया दिएका छन् । नेहाले आफ्नो सफलताको श्रेय आफ्नो परिवारलाई मात्र नभएर फ्यानलाई पनि दिएकी छिन् । उनले फ्यानको साथ र मायाबिना आफू यो स्थानसम्म आउन नसक्ने बताएकी छिन् ।
नेहाको स्टाटस जस्ताको तस्तै-
‘यो त्यो बंगला हो जुन अहिले हाम्रो छ । दोस्रो घर ऋषिकेश जहाँ म जन्मिएकी थिए ।त्यस घरमा हामी कक्कड परिवार एउटा कोठामा बस्थ्यौ । त्यहाँ मेरी आमाले एक टेबल राखेकी थिइन, जुन हाम्रो किचेन थियो । त्यो घर हाम्रो आफ्नै थिएन । हामीले भाडा तिर्थ्यौ । अहिले जब म एउटै शहरमा मेरो आफ्नै यस बंगलालाई देख्छु तब म सधैँ भावुक हुन्छु ।’ नेहाले अगाडी लेखिन् , “मेरो परिवारलाई धन्यवाद १ आमाबुबा , हजुरआमा र मेरो शुभचिन्तकलाई पनि ।”
