२६ फागुन २०७६, काठमाडौँ
गायिका आस्था राउतले हिजो महिला दिवसको अवसरमा सामाजिक सञ्जालमा महिला प्रहरीहरुसँग खिचाएको तस्बिर पोष्ट गर्दै सबै महिलालाई महिला दिवसको शुभकामना दिएकी छिन् ।
आस्था राउत केहीसमय अघि विमानस्थलमा महिला प्रहरीसँग भएको झगडाका कारण निकै विवादमा आएकी थिइन् । चर्को आलोचनाका कारण उनी चौकीसम्म पुग्नु पर्यो । फेरि केहीसमय पछि नै महिला प्रहरीसँगको तस्बिर सेयर गर्दा यतिबेला कतिपय फ्यानहरुले उनको प्रशंसा पनि गरिरहेका छन् ।
फेसबुकमा ‘के छ यहाँ घटीबढी जोख्न छैन तुलो, बदलाको कुराभन्दा क्षमा गर्नु ठूलो,’ गायिका राउतले लेखेकी छन् । महिला प्रहरीसहित फेसबुकमा पोष्ट गरेको फोटो नेपालगञ्ज विमानस्थलमा खिचिएको गायिका राउतले बताइन् ।
