‘थप्पड’ को कमाइबारे सोध्दा निर्देशकले भने, ‘मेरो नाफा–मेरो घाटा, चासो राख्ने तँ को’ ?

२६ फागुन २०७६, काठमाडौँ

केहीसमय अघि प्रदर्शनमा आएको ताप्सीको मुख्य भूमिका रहेको चलचित्र थप्पड ले बलिउडमा कमाल गर्न सकेनन् । चलचित्रले जम्मा २२ करोड कमाउन सफल भयो । चलचित्रलाइ समिक्षक र चलचित्र हेर्ने दर्शकले भने निकै रुचाएका थिए ।

थप्पड असफल भएपछि विभिन्न समाचारहरु आए । यसबारे चलचित्रका निर्देशकले निकै आक्रोश पोखेका छन् । एक समाचारमा थप्पड लाई दर्शकले नराम्ररी थप्पड हाने भन्ने हेडलाइन थियो । जुन देखेर चलचित्र थप्पड का निर्देशकले आफ्नो रिसलाई सहन सकेनन् र अपशब्द प्रयोग गर्दै गाली गरे ।

उक्त समाचारमाथि ट्वीट गर्दै थप्पड का निर्देशक अनुभव सिंहले लेखे, ‘मेरो पैसा, मेरो चलचित्र । मेरो नाफा, मेरो घाटा । यसमा चासो राख्ने तँ को रु मैले तलाई सेयर दिनु पर्ने छैन होला । कि किनेको छस् रु चलचित्र हेर अनि राम्रो नराम्रो भन्ने अधिकार पाउनेछस् ।’

निर्देशक सिंहा त्यतीमै रोकिएका छैनन् । उनले अपशब्द प्रयोग गर्दै लेखेका छन्, ‘यो मान्छेलाई मैले भन्दा पहिला मेरो चलचित्रको कमाई पत्तो हुने रहेछ । मैले २-३ दिनमा पाउने उसले त्यहीँ दिन पाउने रहेछ ।’

अनुभवको यो ट्वीटले अहिले निकै चर्चा पाइरहेको छ । कत्तिले निर्देशकलाई घमण्डी बताइरहेका छन् भने कतिले राम्रो भनेको प्रतिक्रिया दिइरहेका छन् ।