२६ फागुन २०७६, काठमाडौँ
होली सबैको लागि विशेष चाड हो । होलीलाई सबैले रमाइलोसँग मनाउने गरेका छन् । तर यसपटक कोरोना भाइरस को त्रासका कारण राजधानीमा होलीको माहोल त्यति देखिएको छैन ।
जताततै होलीको कन्सर्टहरु हरेक बर्ष हुने गर्थे । तर यसपटक होलीको उत्साह मानिसमा त्यति छैन । कलाकारहरुले पनि यसपटक होलीलाई त्यति विशेष रुपमा हेरेका छैनन् ।
तर अहिले सामाजिक सञ्जालमा अभिनेता पल शाह र अभिनेत्री पूजा शर्माको केही तस्बिरहरु सार्वजनिक भएका छन् । जहाँ उनीहरु एकअर्कासँग निकै रमाइ रमाइ होली खेलिरहेका छन् ।
पल र पूजाको मुख्य भूमिका रहेको चलचित्र म यस्तो गीत गाउँछु २ यहि फागुन ३० बाट देशव्यापी रुपमा प्रदर्शनमा आउने भनिएको थियो । तर कोरोना भाइरसको कारण चलचित्रको प्रदर्शन मिति केहीसमय पछि सरेको छ । चलचित्रको नयाँ रिलिज डेट भने सार्वजनिक भएको छैन ।
