२७ फागुन २०७६, काठमाडौँ
नायिका आँचल शर्माले प्रेमी उदिप श्रेष्ठसँग पर्सि अर्थात फागुन २९ गते विवाह गर्दैछिन् । यतिबेला आँचल र उदिपको घरमा धमाधम विवाहको तयारी भैरहेको छ । यस्तै फागुन २५ गते यी दुईले आफ्नो संगीतको कार्यक्रम राखेका थिए ।
केहीदिन अघिदेखि नै आँचल र उदिपले संगीतको लागि भव्य तयारी गरिरहेका थिए । उनीहरुको संगीत पनि इन्गेजमेन्ट जस्तै भव्यसँग सम्पन्न भयो । आँचल र उदिपको संगीतमा बर्षा सिवाकोटी, स्वस्तिमा खड्का लगायतका अभिनेत्रीको पनि उपस्थिति थियो ।
अहिले सामाजिक सञ्जालमा आँचल र उदिपको संगीतको तस्बिरहरुले निकै चर्चा पाइरहेका छन् । धेरै आँचल र उदिपको जोडीलाई रुचाएका पनि छन् । आँचल र उदिपले यी दुइको जोडीलाई आँदिप नाम दिएका छन् । आँचल र उदिपले विवाहपश्चात चैत्र १ गते राजधानीमा भव्य रिसेप्सन पार्टी दिने योजना रहेको बताएका छन् ।
