३ दिनमा ‘बागी ३’ ले कमायो ५३ करोड

२७ फागुन २०७६, काठमाडौँ

गत शुक्रबारबाट देशव्यापी रुपमा प्रदर्शनमा आएको चलचित्र बागी ३ ले धमाकेदार व्यापार गरिरहेका छ । कोरोना भाइरस को त्रासले पनि बागी ३ को कमाइलाई असर गर्न सकेको छैन ।

खराब समिक्षा पाएर पनि चलचित्रले यस्तो राम्रो व्यापार गर्नु वास्तवमै ठूलो कुरा हो । चलचित्रको व्यापार सुरुवाती दिनदेखि नै उत्कृष्ट रहेको छ ।

बागी ३ ले रिलिजको पहिलो दिन १७ करोड ५० लाखको व्यापार गरेको थियो । यस्तै शनिबार चलचित्रले १६ करोडको व्यापार गर्न सफल भयो । फिल्मले तेस्रो दिन २० करोडको व्यापार गरेको छ । यसरी हेर्दा बागी ३ को ३ दिने कमाई ५३ करोड ८३ लाख भएको छ ।

चलचित्र हेर्न दर्शकको संख्या बढ्दै गइरहेको छ । यस हिसाबले चलचित्रको व्यापार अझ उच्च हुने देखिएको छ ।