२७ फागुन २०७६, काठमाडौँ
चलचित्र बागी ३ ले सोचेभन्दा धेरै राम्रो व्यापार गरिरहेको छ । कोरोना भाइरस को त्रासको कारण चलचित्रको व्यापार असर पर्ने अनुमान लगाइएको थियो । तर बागी ३ ले सुरुवात दिन देखि नै राम्रो कमाइ गरिरहेको छ ।
चलचित्रलाई समिक्षकले त्यति रुचाएका छैनन् भने दर्शकले मिश्रित प्रतिक्रिया दिइरहेका छन् । चलचित्रले प्रदर्शनको तेस्रोदिन सम्म आइपुग्दा ५३ करोड ८३ लाखको व्यापार गर्न सफल भएको छ ।
चलचित्रको कमाइ देखेर निर्देशक अहमद निकै नै खुसी छन् । साथै उनले चलचित्र सफल हुनुको श्रेय टाइगर श्राफलाई दिएका छन् । हुन पनि चलचित्र हेर्ने अधिकांशले चलचित्रमा टाइगरको एक्सन नै सबैभन्दा राम्रो भएको बताएका छन् ।
यसका साथै अहमदले बागी ४ बन्ने सम्भावना रहेको संकेत गरेका छन् । उनले दर्शकले आफ्नो हौसला बढाएका कारण बागी ४ बनाउने सक्ने बताएका छन् । चलचित्र बागी ३ मा टाइगर श्राफसँगै श्रद्धा कपुरको पनि मुख्य भूमिका रहेको छ ।
