२७ फागुन २०७६, काठमाडौँ
कोरोना भाइरस को त्रासका कारण चैत्र १५ गते टुडिखेलमा हुने भनिएको नेफ्टा अवार्ड स्थगित भएको छ ।
कोरोना भाइरस को संक्रमण भिडभाडमा बढी हुने भएकाले नेफ्टा अवार्ड हालको लागि स्थगित गरिएको हो ।
नेफ्टा अवार्डको आज मनोनयन सार्वजनिक गर्ने भनिएको थियो । तर अवार्ड हालको लागि स्थगित भएपछि आज मनोनयन पनि सार्वजनिक नहुने भएको छ । अब नेफ्टा अवार्ड कहिले हुन्छ त्यो भने थाहा छैन ।
अवार्ड समारोहमा मात्र होइन कोरोना भाइरस ले चलचित्र छायांकन र रिलिजमा पनि निकै बाधा पुर्याइरहेको छ । विश्वव्यापी रुपमा फैलिरहेको कोरोना भाइरस का कारण मानिसको जीवन कष्टकर बन्दै गइरहेको छ ।
