२८ फागुन २०७६, काठमाडौँ
गत साउनमा प्रदर्शनमा आएको चलचित्र हजार जुनीसम्म ले अपेक्षा गरे अनुसार व्यापार गर्न सकेको थिएन । निकै नाम चलेका कलाकारहरुको अभिनय रहदाँ पनि चलचित्रले हलमा दर्शकलाई तान्न सकेन । तर चलचित्र हेर्ने सबैले चलचित्रलाई रुचाएका थिए ।
यस्तै अब हजार जुनीसम्म भारतमा रिलिज हुने भएको छ । यतिबेला हजार जुनीसम्म का मुख्य अभिनेत आर्यन सिग्देल भारतमा हजार जुनीसम्म को प्रचार गरिरहेका छन् ।
भारतको नेपालीभाषी बसोबास गर्ने दार्जिलिङ्ग, सिक्किम लगायतका स्थानमा यो चलचित्र प्रदर्शन हुने भएको हो । मार्च १३ अर्थात शुक्रबारदेखि यो चलचित्र प्रदर्शन हुन लागेको जानकारी निर्माणपक्षले दिएको छ । यसैगरि यो चलचित्र सिलीगुढीको इनोक्स सिटी सेन्टर, इनोक्स भेजामल , कार्निभलमा प्रदर्शन हुँदैछ ।
