‘कोरोना भाइरस’ को कारण रणवीर र दिपिकाको ‘८३’ को ट्रेलर आज रिलिज नहुने

२८ फागुन २०७६, काठमाडौँ

यो बर्षको प्रतिक्षित बलिउड चलचित्रमध्येको एक ८३ पनि एक हो । ८३ मा सर्वाधिक लोकप्रिय बलिउड कपल रणवीर सिंह र दिपिका पादुकोणको मुख्य भूमिका रहेको छ ।

चलचित्र ८३ को आज एक भव्य कार्यक्रमका साथ ट्रेलर रिलिज गर्ने तयारी रहेको थियो । तर विश्वव्यापी रुपमा फैलिरहेको कोरोना भाइरस का कारण आज चलचित्रको ट्रेलर रिलिज नहुने भएको छ ।

कार्यक्रममा फिल्मका निर्देशक कबीर खान, मुख्य कलाकारहरु रणवीर सिंह र दीपिका पादुकोण साथै पूर्व भारतीय क्रिकेट खेलाडी कपिल देव पनि सहभागी हुने योजना थियो । तर एकै ठाउँमा त्यसरी धेरै मानिसहरु जम्मा हुँदा कोरोनाको डर हुने भएकोले कार्यक्रम स्थगित गरिएको हो ।