‘माइकल अधिकारी’ मा सौगात र सृष्टिको यस्तो लुक्स

२८ फागुन २०७६, काठमाडौँ

सृष्टि श्रेष्ठले चलचित्र माइकल अधिकारीको सेटबाट केही तस्बिरहरु सार्वजनिक गरेकी छिन् । चलचित्रमा उनी अभिनेता सौगात मल्लको जोडीको रुपमा देखिएकी छिन् । सौगात र सृष्टि रियल लाइप कपल हुन् ।

जसका कारण उनीहरुले एकपछि अर्को चलचित्रमा एकसाथ काम गरिरहेका छन् । माइकल अधिकारी मा सौगात र सृष्टि श्रीमान र श्रीमतीको भूमिकामा देखिएका छन् ।

सार्वजनिक तस्बिरमा सृष्टि र सौगातले सामान्य पहिरन लगाएका छन् भने उनीहरुको साथमा बच्चा पनि छ । फिल्ममा सृष्टिले पैसाका लागि आफ्नो कोख भाडामा लगाउने महिलाको भूमिका निर्वाहा गरेकी छन् । यो फिल्म अहिले सम्पादन टेवुलमा छ । चैत २८ गते प्रदर्शनमा आउने भनिएको फिल्मलाई रञ्जित रौनियारले निर्देशन गरेका हुन् ।