२८ फागुन २०७६, काठमाडौँ
पल शाह र पूजा शर्माको मुख्य भूमिका रहेको चलचित्र म यस्तो गीत गाउँछु २ यहि फागुन ३० बाट देशव्यापी रुपमा प्रदर्शनमा आउने भनिएको थियो । कोरोना भाइरस का कारण चलचित्र फागुन ३० मा नआउने भएको छ ।
पूजा र पलले केहीसमय देखि आफ्नो पुरा समय चलचित्रको प्रमोशनमा नै दिएका थिए । तर चलचित्र प्रदर्शन तत्काल नहुने भएपछि पल र पूजालाई मात्र नभएर दर्शकलाई पनि नरमाइलो लागेको छ ।
यस्तै पल र पूजाले एकसाथ काम गरेको यो दोस्रो चलचित्र हो । यी दुईले यसअघि म यस्तो गति गाउँछु मा एकसाथ काम गरेका थिए । दुवैको केमेष्ट्रिलाई दर्शकले औधी रुचाएका थिए ।
यी दुईको केमेष्ट्रि रिलमा मात्र नभएर रियलमा पनि राम्रो रहेको छ । पल र पूजा एकअर्काका असाध्यै मिल्ने साथी हुन् । म यस्तो गीत गाउँछु २ ले यी दुईको मित्रतालाई अझ बलियो बनाइदिएको छ । अहिले त यी दुई एकअर्कालाई बेष्ट फ्रेण्ड भन्न रुचाउँछन् । आजभोली हरेक ठाउँमा पूजाले पलको र पलले पूजाको तारिफ गरेका नै हुन्छन् । यी दुईको मित्रता रियल र लोभलाग्दो पनि देखिन्छ ।
