हलिउड अभिनेता टम ह्यान्स र उनकी श्रीमतीलाई देखियो ‘कोरोना भाइरस’ को संक्रमण

२९ फागुन २०७६, काठमाडौँ

विश्वव्यापी रुपमा फैलिरहेको कोरोना भाइरस को सिकार हलिउड अभिनेता टम ह्यान्स र उनकी श्रीमती रीता विल्सन पनि भएका छन् । टमले सामाजिक सञ्जालमार्फत आफूहरुलाई कोरोनाको संक्रमण देखिएको जानकारी दिएका छन् ।

सामाजिक सञ्जालमा टमले लेखेका छन्, ‘नमस्कार, रीता र म यहाँ अष्ट्रेलियामा छौँ, हामीले केही थकित महसुस गर्यौँ, हामीलाई चिसो लागेको थियो र शरीर दुखेको थियो । अलिअलि ज्वरो पनि आएको थियो । त्यसपछि हामीले कोरोना भाइरसको परीक्षण गर्यौँ र दुवैजनालाई यसको संक्रमण भएको थाहा भयो’, ह्यान्सले भनेका छन् ।

उनीहरुले तुरुन्त हस्पिटल गएर चेकअप गराइसकेका छन् । त्यसैले अब उनीहरुले निकै गम्भिर भएर हस्पिटल बताएका उपायहरु अपनाउने र आफ्नो ख्याल राख्ने बताएका छन् ।