२९ फागुन २०७६, काठमाडौँ
कोरोना भाइरस को संक्रमण बढ्दै गएपछि निर्माता संघले चलचित्रको छायांकन स्थगित गर्नको लागि पत्र जारी गरेको थियो । तर चलचित्र परदेशी २ र ए मेरो हजुर ४ को धमाधम छायांकन भैरहेको छ ।
यसैबिच चलचित्र २ नम्बरी को पनि छायांकन सुरु गरिएको छ । चलचित्र २ नम्बरी मा दयाहाङ राई, भुटानकी चर्चित नायिका उगेन, पल शाह, बर्षा राउत लगायतका कलाकारको मुख्य भूमिका रहेको छ ।
चलचित्रलाई दिपेन्द्र लामाले निर्देशन गरिरहेका छन् । भुटानी फिल्मकी चर्चित अभिनेत्री उगेन छोदेनले ‘२ नम्बरी’ बाट नेपाली फिल्ममा डेब्यू गर्न लागेकी हुन् । अर्को वर्षको जनै पूर्णिमामा रिलिज हुने फिल्मको निर्मातामा रोहित कट्टेल र सरोज नेपाली रहेका छन् भने प्रस्तुतकर्ता किरण नेपाली हुन् । रत्न श्रेष्ठ फिल्मको कार्यकारी निर्माता हुन् ।
