३० फागुन २०७६, काठमाडौँ
चलचित्र लप्पन छप्पन २ को पहिलो गीत रिलिज भएको छ ।
मिस्टर आरजेको शब्द र संगीत रहेको झुसे बारुलो बोलको गीतमा आर्जन पाण्डे, विद्या तिवारी र मिस्टर आरजेको आवाज रहेको छ ।
डान्सिङ शैलीको गीतमा शिव श्रेष्ठ, अर्पण थापा, अनुपविक्रम शाही, कविता नेपाली लगायतका कलाकार फिचर्ड छन् । बैशाख १२ बाट देशव्यापी रुपमा प्रदर्शनमा आउन लागेको चलचित्र लप्पन छप्पन लाई मुकुन्द भट्टले निर्देशन गरेका हुन् ।
यो चलचित्रबाट शक्ति श्रेष्ठ, आना ढकाल, श्रृजना सिना लगायतले चलचित्र क्षेत्रमा डेब्यू गर्दैछन् ।
