मुस्कान खातुनको कथामा चलचित्र निर्माण गर्दै अभिनेता रमित

०१ चैत्र २०७६, काठमाडौँ

केहीसमय अघि एसिड आक्रमणमा परेकी मुस्कानको विषयमा आधारित चलचित्र बन्ने भएको छ । कुनै समयका चर्चित नायक रमित ढ’ङगानाले मुस्कानको विषयमा आधारित चलचित्र बनाउने भएका छन् ।

रमितले निर्माण गर्ने भनेको चलचित्रको कथा शिवम अधिकारीले लेख्ने बताइएको छ । त्यसका साथै चलचित्रलाई निर्देशन पनि शिवम अधिकारीले नै गर्ने बताइएको छ । रमितले सामाजिक चेतनाका लागि मुस्कानको कथालाई लिएर चलचित्र बनाउने घोषणा गरेको बताएका छन् ।

मुस्कान खातुनको विषयमा बन्न लागेको चलचित्रको नाम ‘मुस्कान’ नै राखिएको छ । चलचित्रको लागि कलाकारको छनोट भइरहेको निर्माता ढुंगानाले बताए । उनले भने, ‘हामीलाई मुस्कान जस्तै केटी चाहिएकाले उसैको खोजीमा छौँ ।’ चलचित्रमा एसिड आक्रमण पछिको अभिनय मुस्कान आफैँले गर्ने रमितले बताए ।

हाल कोरोनाको त्रास भएका कारण चलचित्रको छायांकन सुरु नगरेको रमितले बताएका छन् ।