‘केही गीतहरु पैसा नै नलिई पनि गाएकी छु’ : प्रविशा अधिकारी

०१ चैत्र २०७६, काठमाडौँ

प्रविशा अधिकारी पछिल्लो समयकी निकै चर्चित गायिका हुन् । उनको एकपछि अर्को गीतले बजारमा निकै सफलता पाइरहेका छन् । उनको डिमाण्ड पछिल्लो समयमा बढ्दो छ । डिमाण्डसँगै उनको पारश्रमिक पनि बढ्दै छ ।

जसका कारण केही निर्माताले उनलाई पारिश्रमिक बढी लिने गरेको आरोप पनि लगाउने गरेका छन् । तर उनले यसबारे गतिलो जवाफ दिएकी छिन् । प्रविशाले आफ्नो जीवन नै संगीतबाट चल्ने भएकाले आफूलाई आवश्यक पर्ने पारिश्रमिक हरेक गायक गायिकाले लिन जरुरत रहेको बताएकी छिन् ।

साथै उनले आफूले पैसाको अभाव भएरै भने कहिल्यै पनि गीत नगाएको प्रष्ट पारेकी छिन् । उनले आफूलाई मन परेका कतिपय गीतहरु बिना पैसा पनि गाएको बताएकी छिन् । पछिल्लो समयमा उनले गाएको प्रेमगीत ३ को गीतले निकै नै चर्चा कमाएको थियो ।