०२ चैत्र २०७६, काठमाडौं
नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’सँग सातवटै प्रदेशका प्रदेश प्रमुखहरुले भेटवार्ता गरेका छन्।
आइतबार (आज) बिहान प्रचण्ड निवास खुमलटारमा सातवटै प्रदेशका प्रमुखहरुले भेटवार्ता गरेका प्रचण्डको निजी सचिवालयले जनाएको छ।
भेटका अवसरमा प्रदेश प्रमुख कार्यालयमा भएका समस्या लगायत विविध विषयहरुमा छलफल भएको थियो।
प्रदेश प्रमुखहरुसँग प्रचण्डले प्रदेश प्रमुख कार्यालयमा भएका समस्याहरुका बारेमा पार्टी र सरकारमा छलफल गरेर समस्याको हल गर्न प्रयास गर्ने बताएका थिए।
