रिसेप्सन पार्टीमा हेलिकप्टरमा पुगे उदिप र आँचल

०२ चैत्र २०७६, काठमाडौँ

नायिका आँचल शर्माले आफ्नो विवाहको हरेक समारोहलाई विशेष बनाइन् । इन्गेजमेन्टदेखि रिसेप्सन पार्टीसम्म सामाजिक सञ्जालमा उनको चर्चा भैरह्यो । आँचलर उदिपले हिजो हायात होटलमा रिसेप्सन पार्टीको आयोजना गरेका थिए ।

उनीहरुको पार्टीमा कलाकारको बाक्लो उपस्थिति रहेको थियो । आँचल र उदिपले रिसेप्सन पार्टीलाई पनि निकै यादगार बनाएका छन् । उनीहरु पार्टीमा हेलिकप्टरमा पुगेका थिए । उनीहरुभन्दा अगाडी सायदै कुनै कलाकारले आफ्नो विवाहमा यत्तिको व्यवस्था गरेका थिए ।

हेलिकप्टर चार्टर गरेर उदिप र आँचल पुग्दा माहोल विशेष बनेको थियो । हेलिकप्टरबाट झर्दै गर्दा उदिपले आँचलको हात समातेका थिए । निकै नै आकर्षक र भारी लेहेङ्गा लगाएका कारण पनि आँचललाई हिड्न केही समस्या भएको थियो । तर, उदिपले उनलाई सहज बनाइदिए ।